Kartöfluvínabrauð

July 29, 2020

Kartöfluvínabrauð

Kartöfluvínabrauð
Eybjörg Dóra Sigurpálsdóttir sendi inn þessa dásamlegu uppskrift af kartöfluvínabrauði, við leyfum henni að eiga orðið. Takk kærlega fyrir Eybjörg.
Sjá má hópana hérna:
Brauðtertur & heitir réttir
Kökur & bakstur

Langar til að deila með ykkur uppskrift af kartöfluvínarbrauði eða snúðum. Þessi uppskrift var bæði notuð að vori og hausti og bakað ofaní vinnumenn sem komu okkur til aðstoðar. Þau eru sérstaklega mjúk og góð og geymast vel í blikkboxum.
Kartöfludeig í snúða og vínarbrauð.

Úr 1 kg fást u.m.þ.b. 12 vínarbrauð.

1 kg kartöflumús (t.d. Maggí) eða heimagerð kartöflumús
1 kg hveiti, 250 gr smjörlíki
250 gr sykur, 2 egg
5 tsk lyftiduft (stórar)

Öllu blandað saman í hnoðara.
Skiptið deginu í 4 jafn stóra búta.
Takið einn í einu og fletjið út, lengd og breidd er á við síðu í fréttablaðinu, passið að deigið festist ekki við borðið.
Skerið deigið í tvennt eftir endilöngu, makið rabbabarasultu á hvorn bútinn fyrir sig.
Brettið svo deigið upp að miðju til að loka sultuna inni gott að hafa smá bil á við 1cm.
Penslið með eggi.
Leggið vínarbrauðin á bökunnarpappír.
Bakið á 180 ° og blæstri í 20 -30 mín eða þar til degið hefur tekið lit.

Kælið áður en glassúr er settur á.
Ég setti yfirleitt aldrei glassúr á ég notaði perlusykur sem ég setti á vott eggvatn.
Ef gerðir eru snúðar er hægt að skipta deiginu upp í 2 hluta og fletja út en allt í lagi að gera það í einum hluta.
Fletjið vel út, penslið brædda smjörinu vel á deigið og stráið svo kanilsykrinum yfir.
Rúllið deiginu vel og þétt upp og skerið svo snúðana ca 1-2 cm stóra.
___________________________________
2 kg.
2 kg kartöflumús, 2 kg hveiti,
½ kg smjörlíki, ½ kg sykur,
4 egg, 10 tsk lyftiduft.

Uppskrift og mynd: 
Eybjörg Dóra Sigurpálsdóttir





Einnig í Bakstur

Hvít lagterta
Hvít lagterta

December 22, 2020

Hvít lagterta
Ég man hvað það var gott að fá lagtertur hjá ömmu Jónu en hún bakaði þær báðar fyrir hver jól ásamt ýmsu öðru góðgæti og á jóladag hittist stórfjölskyldan 

Halda áfram að lesa

Brauðbollu hringur
Brauðbollu hringur

November 07, 2020

Brauðbollu hringur
Þessi var súperfljótlegur, svo mikil snilld að geta stundum töfrað svona gómsætt brauð úr annarri hendinni ef svo má segja en hérna notaði ég einfaldlega 

Halda áfram að lesa

Betty Crocker gulrótarkaka
Betty Crocker gulrótarkaka

November 03, 2020

Halda áfram að lesa