Heilsu vöfflur

Ef maður er með grænmeti sem er að verða of gamalt mæli ég með að nota það í hollar pönnukökur eða vöfflur, segir hún Elísabet. 

Gefum henni orðið,,

Ég bakaði bæði spínat og rauðrófuvöfflur í gær og notaði eina rauðrófuvöfflu í gærkveldi sem club “sandwich” og svo spínatvöfflu í hádeginu með reyktum lax og kavíardressingu.  Ég notaði glútenlaust hveiti. Maður getur notað hvaða grænmeti sem er og eins getur maður notað haframjöl í staðinn fyrir hveiti til að fá meiri fyllingu

Spínatvöfflur:
100 gr ferskt spínat
1 dl mjólk
2 egg
100 gr hveiti
1 tsk gróft salt
1 tsk lyftiduft
1/2 tsk hvítlauksduft
1/2 tsk kúmen

Skelli þessu öllu í blandarann og svo bara beint á vöfflujárnið.

Rauðrófuvöfflur:
300 gr rauðrófur
1.25 dl mjólk
3 egg
5 msk hveiti
1 tsk lyftiduft
1 tsk gróft salt
1/2 tsk hvítlauksduft
1/2 tsk kúmen

Ríf rauðrófurnar gróft og hræri öllu saman en hún segir gott að nota bara blandarann.

3 stórar gulrætur
150 gr haframjöl
2 egg
3 dl mjólk
1/2 tsk lyftiduft
Smá salt og pipar
Smá hvítlauksduft og chilimix

Ég set haframjölið í minihakkara og mala það fínt.
Ríf gulræturnar fínt niður. Hræri öllu saman og látið deigið svo hvíla í ísskáp í 15 mín. Ég er með belgískt vöfflujárn en maður getur auðvitað notað öll vöfflujárn. 

Uppskriftir og myndir:
Uppskriftirnar eru allar frá Elísabetu Ósk Sigurðardóttir sem hún gaf mér góðfúslegt leyfi til að deila hérna með ykkur ásamt myndunum hennar. 
Hjartans þakkir Elísabet.

Njótið og deilið að vild.

 Vertu velkomin að koma og vera með í Köku & baksturs hópnum á facebook


EÐA 

Vertu velkomin að koma og vera með Brauðtertur & heitir réttir hópnum á feisbók