Fyllt brauð með sólþurrkuðum tómötum, ólívum og feta osti
Mér finnst alveg dásamlegt að baka heimagert brauð og prufa mig áfram í hversskonar fyllingum og hérna er ein góð.
Deig:
3 dl vatn, ylvolgt
1/2 tsk hunang
1 msk þurrger
500 gr hveiti
1 tsk salt
1 msk olífuolía
Fylling:
1 dós ólívur, grænar eða svartar eftir smekk
1 dós sólþurrkaðir tómatar
250 gr fetaostur í kryddolíu
Sigtið allan vökva frá og maukið í matvinnsluvél eða skerið smátt.
Velgið aðeins vatnið og setjið ger saman við og hunang, látið gerið freyða og bætið svo hveiti, salti og ólífuolíu smátt saman við.
Hnoðið og mótið það svo í kúlu og látið það lyfta sér í 1-1 1/2 klst, þar til það hefur tvöfaldast, ef þið eigið Tuppewere hnoðskálina,
þá er gott að setja deigið í hana og lofttæma og setja ofan í heitt vatn. Þegar deigið hefur svo tvöfaldast,
þá er það tekið og slegið niður aftur og látið bíða í smá stund. Skiptið deiginu í tvo hluta og fletjið út.
Smyrjið fyllingunni vel á deigið og rúllið þétt upp.
Hægt er að smyrja svo brauðið með pískuðu eggi og strá yfir það sesamfræum, grasfræjum eða mosarella osti eftir smekk og skera í það eins og sjá má á mynd.
Bakað við 180°c í 20 mínútur.
Ég tvöfaldaði uppskriftina og frysti helminginn. Og ég bar fram brauðið með Tortillini pasta í rjómasósu í saumaklúbb hjá mér fyrir stuttu síðan og gerði það mikla lukku.
Það má líka breyta um fyllingu eða sleppa úr.
Njótið & deilið með gleði
Vertu velkomin að koma og vera með í Köku & baksturs hópnum á facebook
EÐA
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
