Ensk jólakaka að hætti Láru

December 08, 2022

Ensk jólakaka að hætti Láru

Ensk jólakaka að hætti Láru Harðar

Þessa dásamlegu uppskrift gaf hún Lára mér leyfi til að deila hér með ykkur sem hún gerði fyrir stuttu síðan. Kakan sló heldur betur í gegn hjá þeim sem fékk hana og langar mig mikið til að gera þessa fyrir hana móður mína en hún er mjög hrifin af svona fyrir jólin. Takk elsku Lára fyrir að deila þessu með okkur.

300 g kúrenur
500 g rúsínur
100 g kokteilber (skera þau í helminga)
200 g súkkat
2 msk sítrónusafi
2 msk appelsínusafi
125 ml koníak

Blandið þessu saman í stóra skál & látið standa yfir nótt.


Þeytið smjör & púðursykur þar til létt.

225 g smjör
225 g púðursykur
1 msk fínt rifinn sítrónubörkur
1 msk fínt rifinn appelsínubörkur
2 msk appelsínumarmelaði
4 egg
300 g hveiti
2 tsk allrahanda krydd
1 tsk kanill
½ tsk múskat
smá salt

Þeytið smjör & púðursykur þar til létt.

Blandið berki & marmelaði við.

Bætið eggjum saman við, einu í einu.

Sigtið hveiti út í & bætið við allrahanda, kanil ásamt ávöxtunum, múskati & salti.


Bakið við 150-170°C í kringlóttu formi í u.þ.b 60 mínútur eða þar til hnífurinn sem stunginn er í miðjuna kemur hreinn út.  Munið að smyrja mótin vel.

Svo er mismunandi hvort notað er koníak, víski eða dökk romm. Ég átti ekkert af þessu svo að ég notaði Grand Marnier sem ég átti til.


Ég notaði tvennsskonar langmót til að geta sett aðra kökuna í frysti en það er líka mjög flott að nota kringlótt mót eins og Lára gerði og bera kökuna fram heila.

Láru kaka (mynd frá Láru)

Svo er hægt að pakka kökunni inn í smjörpappír

Og setja rauða slaufu utan um hana og færa að gjöf.

Uppskrift: Lára Harðardóttir
Ljósmyndir: Ingunn Mjöll (nema þessi kringlótta, hún er frá Láru)

Deilið með gleði

Vertu velkomin að koma og vera með í Köku & baksturs hópnum á facebook





Einnig í Bakstur

Kókoskúlur
Kókoskúlur

January 29, 2023

Kókoskúlur
Gömlu góðu kókoskúlurnar standa alltaf fyrir sinu, auðveldar og góðar og gaman að búa til með krökkunum.

Halda áfram að lesa

Ensk ávaxtakaka
Ensk ávaxtakaka

December 11, 2022

Ensk ávaxtakaka
Hérna höfum við fengið líka uppskrift af Enskri ávaxtaköku sem hún var til í að deila með okkur hún Jónína Ögn Jóhannesdóttir á síðunni Kökur & bakstur og bætist hún þá við Ensku jólakökuna.

Halda áfram að lesa

Döðlubrauð
Döðlubrauð

November 01, 2022

Döðlubrauð
Hver elskar ekki nýbakað Döðlubrauð með smjöri og osti jafnvel.
Það er fljótlegra að henda í eitt svona brauð en maður heldur og svo er það líka,,,,,

Halda áfram að lesa