Toro kjötsúpa með skessujurt
January 29, 2024
Toro kjötsúpa með skessujurtÞað kom að því að ég notaði skessujurtina sem ég fékk gefins og átti í frystinum niðurskorna. Skemmtileg tilbreyting en þótt ég hafi ekki vitað hvað Skessujurt var fyrir örfáum árum síðan þá kynntist ég henni út í Flatey árið 2021 en jurtin vex víða vilt og var á árum áður mikið notuð í kjötsúpur og örugglega margir af eldri kynslóðinni sem þekkja hana og einnig áhugasamir einstaklingar um kryddjurtir hversskonar.
Ég get allavega frætt ykkur um það að hún setti sérstakan bragðbrag á súpuna og mér þótti hún góð.
![](https://cdn.shopify.com/s/files/1/2201/0839/files/IMG_6847_480x480.jpg?v=1705948151)
Ég notaði í hana lambakjöt/súpukjötsbita ca.500-600 gr sem ég steikti á pönnu og kryddaði með Gott á lambið. Steikti þá báðu megin, setti lokið á og létt malla í rúmlega klukkutíma. Ég tók lambakjötið út úr frystinum 5 dögum áður en ég ætlaði að nota það og þar að leiðandi verður það einstaklega meyrt og gott, mæli með alltaf með lambið eins og nautið.
![](https://cdn.shopify.com/s/files/1/2201/0839/files/IMG_6853_480x480.jpg?v=1705948194)
Hellið vatni svo rétt fljóti yfir
![](https://cdn.shopify.com/s/files/1/2201/0839/files/IMG_6859_480x480.jpg?v=1705948353)
1.pk af Íslenskri kjötsúpu frá Toro
3-4 gulrætur, skornar í bita
1/4 hvítkál, skorið niður
1 rófu, skorna í bita
Blaðlauk, smá bút eftir smekk, skorin niður
![](https://cdn.shopify.com/s/files/1/2201/0839/files/IMG_6861_480x480.jpg?v=1705948362)
Setjið vatn í pottinn samkvæmt leiðbeiningum pakkans og látið suðuna koma upp og bætið út í öllu grænmetinu og látið malla á meðan kjötið mallar.
![](https://cdn.shopify.com/s/files/1/2201/0839/files/IMG_6863_480x480.jpg?v=1705948372)
Skessujurtin fræga
![](https://cdn.shopify.com/s/files/1/2201/0839/files/IMG_6865_480x480.jpg?v=1705948384)
Komin út í súpuna og gefur henni því extra bragð. Ekki allir fíla það og þá er bara hið besta mál að sleppa henni.
![](https://cdn.shopify.com/s/files/1/2201/0839/files/IMG_6867_480x480.jpg?v=1705948408)
Skerið kjötið niður í bita
![](https://cdn.shopify.com/s/files/1/2201/0839/files/IMG_6869_480x480.jpg?v=1705948424)
Og bætið því saman við súpuna
![](https://cdn.shopify.com/s/files/1/2201/0839/files/IMG_6871_480x480.jpg?v=1705948458)
Ég skellti svo soðinu af kjötinu sem var kryddað með Gott á lambið saman við súpuna líka og þá er súpan tilbúin. Þegar ég elda mér kjötsúpu fyrir mig eins þá set ég í 1.dós fyrir daginn eftir og restinni skipti ég í ílát og frysti og gríp svo í síðar. Hagsýn húsmóðir.
![](https://cdn.shopify.com/s/files/1/2201/0839/files/IMG_6878_480x480.jpg?v=1705949325)
Verði mér og ykkur að góðu
Deilið með gleði
Vertu velkomin að koma og vera með í Heimilismatur hópnum á feisbókinni
![](https://cdn.shopify.com/s/files/1/2201/0839/files/Copy_of_Copy_of_Saelkeraklubburinn_2_240x240.png?v=1666555567)
EÐA
Vertu velkomin að koma og vera með í hóp Sælkera á feisbókinni
![](https://cdn.shopify.com/s/files/1/2201/0839/files/Copy_of_Copy_of_Saelkeraklubburinn_4_240x240.png?v=1666559430)