Sjávarréttasúpa

February 08, 2023

Sjávarréttasúpa
Þessa flottu uppskrift af sjávarrétta súpu fékk ég senda frá henni Helgu Sigurðar fyrir mörgum árum síðan og var ég núna fyrst að elda hana, nammi namm hvað hún var góð.

Handa 5-6
 
Saxið niður grænmetið smátt

2 dósir Hunt‘s Orginal Carlic (Ég notaði reyndar 1 stóra krukku af svipuðu, sjá mynd) þar sem ég fann þetta ekki í búðinni
3 bollar vatn
½ bolli laukur saxaður
½ bolli gulrætur saxaðar, þunnar sneiðar
½ bolli paprika söxuð
1 peli rjómi
½ kjúklingatengur (Knorr 1/1)
1 msk púðursykur
Cayanna pipar, smá
250 gr rækja eða annar fiskur, hörpuskel, krabbakjöt, lúða.
Má vera bland af öllu.

Steikið grænmetið í potti og setjið tómatkryddsósuna út í.
Bætið hinu út í nema rækjunum og hrærið vel saman.
Látið sjóða við vægan hita í 20-30 mínútur.

Ég notaði þessa sósu, hún var mjög góð.

Setjið rækjurnar útí þegar súpan er fullsoðin,
en ef notaður er fiskur þá má setja hann út í,
í bitum 5 mínútum áður en súpan er tekin af hellunni.

Meðlæt ef vill:

Salatblöð rifin
Fetaostur í kryddolíu
Tómatar
Rauðlaukur
Olívur

Uppskrift frá Helgu Sigurðardóttur

Dásamlegt ef uppskriftinni er deilt áfram, takk fyrir.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

---

Einnig í Súpur & grautar