Rjómasveppasúpa

April 14, 2020

Rjómasveppasúpa með hráskinku og villissveppaosti
Ein gourme og girnileg sveppasúpa með skemmtilegu tvisti, alltaf svo gaman að prufa sig áfram í nýjungum.

100 g smjör 
100 g hveiti 
5 dl vatn 
5 dl nýmjólk 
2 stk. súputeningar 
1 stk. sveppateningur 
250 gsveppir 
1 msk. smjör 
5 dl rjómi 
6 cl sérrý eða púrtvín (má sleppa) 
5 sneiðar hráskinka eða hrátt hangikjöt 
6 msk. rifinn villisveppaostur 
• salt og nýmulinn svartur pipar

Aðferð:

Bræðið smjörið og bætið í hveiti, hrærið vel saman.
Setjið saman við vatn og mjólk. sjóðið við vægan hita í nokkkrar mínútur.
Bætið í súputeningum og sveppateningum.
Saxið sveppina og steikið í smjörinu, kryddið með salti og pipar.
Hellið rjómanum yfir sveppina og látið sjóða upp.
Bætið svepparjómanum í súpugrunninn og bragðbætið með sérrý eða púrtvíni.

Skerið hráskinkuna í bita og setjið á miðju disksins ásamt 1 msk. af rifnum villisveppaosti.
Hellið súpunni á diskinn og berið fram.

Verði ykkur að góðu,
Sigrún

 

---

---

Einnig í Súpur & grautar