Rabarbaragrautur
Ég man svo vel eftir því þegar ég var að alast upp að þá hafði mamma oft Rabarbaragraut enda ekki langt að sækja hann út í garð hjá okkur. Þeir sem búa svo vel nýta hann allan vel, ýmist í sultu, graut eða bökur og er það sannkölluð búbót. í dag er ég þakklát fyrir þá sem bjóðast til að gefa mér rabbarbara en ég nýti hann vel og vandlega í allt mögulegt.
Uppskrift:
1/2-1 kg.rabarbari
100.gr sykur
8.dl vatn
50.gr kartöflumjöl blandað með 2.dl af vatni
Hreinsið rabarbarann og þvoið.
Skerið hann í jafna bita.
Látið vatnið sjóða og bætið þá sykrinum og rabarbaranum út í heitt vatnið og sjóðið áfram þar til allt er komið í mauk.
Kartöflumjölinum er hrært saman við kalda vatnið og hellið svo rólega saman við grautinn. (Ath að hræra ekki í hring svo grauturinn verði ekki seigur, gamalt húsráð). Ég sauð hann í um klukkutíma.
Hellið grautinum í skál og berið fram með sykri og rjómablöndu.
Sumir vilja líka þeyttan rjóma með grautnum, gott að hafa val.
Deilið & njótið
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Sjávarréttasúpa
Þessa flottu uppskrift af sjávarrétta súpu fékk ég senda frá henni Helgu Sigurðar fyrir mörgum árum síðan og var ég núna fyrst að elda hana, nammi namm hvað hún var góð.
