Létt baunasúpa

March 08, 2020

Létt baunasúpa

Létt baunasúpa
Fituminni útgáfa með minna kjöti en þó ekki síður bragðmikil og góð.
Því þykkari sem baunasúpan er, því betri finnst mér hún!

300 g gular baunir 
2 l vatn 
75 g magurt beikon 
1 blaðlaukur (hvíti og ljósgræni hlutinn) 
1 sellerístöngull 
1 tsk. tímían 
2 lárviðarlauf 
nýmalaður pipar 
750 g saltkjöt 
500 g gulrófur 
500 g gulrætur 
hnefafylli af spínati (má sleppa)

Setjið baunirnar í pott og hellið köldu vatni yfir.
Hitið að suðu og fleytið froðu ofan af.
Skerið beikon, blaðlauk og sellerí í fremur litla bita og setjið út í, ásamt tímíani, lárviðarlaufi og pipar.
Látið malla við fremur hægan hita í u.þ.b. klukkustund.
Fitu- og beinhreinsið kjötið, skerið það í fremur litla bita og setjið út í.
Látið malla áfram í 25 mínútur.
Afhýðið gulrófur og gulrætur, skerið í bita og setjið út í.
Sjóðið áfram í um 25 mínútur, eða þar til kjötið og grænmetið er meyrt.
Bætið við svolitlu vatni ef súpan er mjög þykk en hækkið hitann, takið lokið af pottinum og látið súpuna sjóða dálítið niður ef hún er of þunn.
Skerið að lokum spínatið í ræmur (ef það er notað), hrærið saman við og berið súpuna fram.



Einnig í Súpur & grautar

Hátíðarsúpa Heiðu
Hátíðarsúpa Heiðu

June 24, 2022

Hátíðarsúpa Heiðu
Þessi súpa er ein af Systrasúpum sem ég fékk góðfúslegt leyfi til að deila hérna með ykkur en uppskriftabæklinginn er hægt að nálgast hjá henni Ídu á Kaffi Klöru á Ólafsfirði. 

Halda áfram að lesa

Gulrótar súpa
Gulrótar súpa

April 01, 2022

Gulrótar súpa
Þessa glæsilegu uppskrift af gulrótar súpu fékk ég hjá henni Dísu vinkonu minni, hún liggur ekki á þeim uppskriftunum þessi elska heldur deilir þeim einni og annari

Halda áfram að lesa

Austurlensk kjúklingasúpa
Austurlensk kjúklingasúpa

February 14, 2022

Austurlensk kjúklingasúpa
Matarmikil og sérlega góð súpa þar sem greina má bæði indversk og kínversk áhrif. Ég eldaði þessa um daginn og myndi alveg gera hana aftur.

Halda áfram að lesa