Karrílöguð laxasúpa
Frábær súpa og einföld að útbúa bæði fyrir byrjendur og lengra komna. Hentar vel líka sem aðalréttur í hádegisverð þegar margir koma saman.
Þessa uppskrift hefur mig lengi langað til að gera og lét ég loksins verða að því núna og var hún mjög góð súpan og enn betri daginn eftir en þá var hún orðin enn bragðmeiri eins og svo oft er.
1 stk blaðlaukur
3 stk sellerístönglar
2 stk gulrætur
1 stk fennel
3 stk hvítlauksgeirar
1 msk matarolía
1 msk karrí
2 l fiskisoð
½ l rjómi
2 msk smjörbolla
Salt og pipar
500 gr lax, roðlaus og beinlaus (það má líka nota silung/bleikju
Skerið grænmetið niður í fína kubba, 1 x 1 cm.
Svissið grænmetið með olíu í potti.
Bætið karríi út í og steikið með í um 1 mínútur.
Hellið fiskisoðinu yfir og látið sjóða í um 5 mínútur.
Bætið rjómanum út í og látið malla í um 10 mín.
Þykkið með smjörbollunni og látið malla i um 5 mín.
Smakkið til með salti og pipar.
Skerið laxinn í 2 x 2 cm bita og setjið í súpuskálina.
Hellið súpunni yfir laxinn og hrærið létt í, látið standa í 1-2 mínútur.
Gott er að setja léttþeyttan rjóma yfir.
Berið fram með nýbökuðu brauði og smjöri.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Matarmikil linsubauna- og kartöflusúpa
Þessi klassíska linsubauna- og kartöflusúpa er undirstaða á köldum dögum og býður upp á ríka blöndu af próteinríkum linsum og góðum kartöflum í bragðmikilli súpu.
Ítölsk linsubaunasúpa græn!
Þegar maður fær æðislega ljúffenga græna linsubauna súpu á ítalíu og hættir ekki að hugsa um hana þá finnur maður uppskriftir og skellir í eina gourme súpu.
Hérna eru 3 uppskriftir af grænni baunasúpu.
Gourmet Gúllas-súpa (4–5 manns)
Bauð foreldrum mínum í þessa dásamlega ljúffengu Gúllas-súpu. Útgáfurnar af gúllassúpum eru endalausar og hérna er svo sannarlega ein enn útfærslan, vona að þið njótið.
