Humarsúpa með ostabollum!
Uppáhalds humarsúpu uppskriftin sem ég hef fengið og smakkað, það skemmtilega reyndar er að hún hefur aldrei verið alveg eins, þrátt fyrir sömu uppskriftina eða þannig, kannski er það meira koníak í þetta skiptið, nú eða meira hvítvín, það er eitthvað því hún er alltaf öðruvísi en alltaf sú allra besta, er það hægt, já.
1 kg súpuhumar
½ flaska hvítvín
1 blaðlaukur
1-2 gulrætur
100 gr tómatmauk
2 hvítlauksrif
Salt og pipar e.t.v. 1 tsk estragon ef vill
1 búnt fersk steinselja
Humarkraftur
½ l rjómi
Smá koníak ef þess er óskað
Smjörbollan (75 gr smjör/100 g hveiti)
Þar sem ég fann ekki Humarkraft þá notaði ég þennan Humar sósu og súpugrunn í staðinn
Hreinsið humarinn úr skelinni. Brjótið hann í miðju, losið í sundur og ýtið humrinum úr skelinni.
Brjótið skelina og léttristið í potti ásamt grænmeti og steinseljustilkum.
Hellið hvítvíni út í, látið suðuna koma upp og bætið í 1 ½ lítra af vatni við og sjóðið rólega í 60-80 mín.
Sigtið soðið. Bakið súpuna upp og sjóðið í um það bil 5-6 mín.
Bætið krafti og koníaki við eftir smekk ásamt helmingi af rjóma.
Bætið humrinum út í rétt áður en súpan er borin fram ásamt restinni af rjómanum.
Saxið ferska steinselju og stráið yfir.
Ostabollur
600 g hveiti
3 msk. Parmesanostur
2 pokar þurrger
1-2 msk. Sykur
4 dl heitt vatn
100 g smjör/brætt
Blandið þurrefnunum saman.
Bætið vatni við og að lokum smjörinu.
Látið hefa sig í um klukkustund.
Bætið örlitlu hveiti við í lokin til að auðvelda það að búa til bollur á stærð við tómata.
Bakið í 10-12 mín við 200 °c.
Bollurnar eru bestar heitar með smjöri.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Matarmikil linsubauna- og kartöflusúpa
Þessi klassíska linsubauna- og kartöflusúpa er undirstaða á köldum dögum og býður upp á ríka blöndu af próteinríkum linsum og góðum kartöflum í bragðmikilli súpu.
Ítölsk linsubaunasúpa græn!
Þegar maður fær æðislega ljúffenga græna linsubauna súpu á ítalíu og hættir ekki að hugsa um hana þá finnur maður uppskriftir og skellir í eina gourme súpu.
Hérna eru 3 uppskriftir af grænni baunasúpu.
Gourmet Gúllas-súpa (4–5 manns)
Bauð foreldrum mínum í þessa dásamlega ljúffengu Gúllas-súpu. Útgáfurnar af gúllassúpum eru endalausar og hérna er svo sannarlega ein enn útfærslan, vona að þið njótið.
