Hátíðarsúpa Heiðu
Þessi súpa er ein af Systrasúpum sem ég fékk góðfúslegt leyfi til að deila hérna með ykkur en uppskriftabæklinginn er hægt að nálgast hjá henni Ídu á Kaffi Klöru á Ólafsfirði. Útgáfa bæklingssins er fjáröflunarverkefni Soroptimistaklúbbsins á Tröllaskaga.
Súpan er ætluð fyrir 4-6
4-6 stk humarhalar
16 stk hörpuskelfiskur
50-100 gr rækjur
40-50 gr kræklingur (má sleppa)
1 stór laukur
2 hvítlauksrif
6 dl fiskisoð eða teningur og vatn
1 dl hvítvín þurrt
safi úr hálfri sítrónu
ein dós saxaðir tómatar
steinselja
2 tsk karrý
salt
1 eggjarauða
2 dl rjómi
2 msk matarolía (ekki bragðmikla)
Saxið lauk og hvítlauk og látið krauma í olíu ásamt karrýinu á mjög vægum hita í u.þ.b. 15 mínútur. Setjið tómata, hvítvín, sítrónusafa og fiskisoð út í og látið suðuna koma vel upp. Humar og hörpuskelfiskurinn skorinn í bita, bætt út í súpuna, hitið við suðu. Rækjur og kræklingur sett út í rétt áður en súpan er borið fram og steinseljunni stráð yfir.
Verði ykkur að góðu, deilist með gleði
Ath. Myndin er af humarsúpu sem ég fékk á Kaffi Klöru, alveg ljómandi góða, þar sem ég hef ekki ennþá búið hana þessa til og á þvi ekki mynd af henni.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Matarmikil linsubauna- og kartöflusúpa
Þessi klassíska linsubauna- og kartöflusúpa er undirstaða á köldum dögum og býður upp á ríka blöndu af próteinríkum linsum og góðum kartöflum í bragðmikilli súpu.
Ítölsk linsubaunasúpa græn!
Þegar maður fær æðislega ljúffenga græna linsubauna súpu á ítalíu og hættir ekki að hugsa um hana þá finnur maður uppskriftir og skellir í eina gourme súpu.
Hérna eru 3 uppskriftir af grænni baunasúpu.
Gourmet Gúllas-súpa (4–5 manns)
Bauð foreldrum mínum í þessa dásamlega ljúffengu Gúllas-súpu. Útgáfurnar af gúllassúpum eru endalausar og hérna er svo sannarlega ein enn útfærslan, vona að þið njótið.
