Gúllassúpa
Ég eldaði þessa súpu en ákvað að minnka hlutföllinn þannig að hún myndi henta fyrir tvo til þrjá eða í tvær til þrjár máltíðir fyrir mig. Sjá mín hlutföll ef við eiga fyrir aftan textann í sviga.
2 kg nautagúllas, ég notaði 500 gr en það væri fínt að nota um 1 kíló
3 msk hveiti (ég mæli með 3 msk á hver 500 gr)
3 msk paprikuduft
1 msk reykt paprikuduft
1 msk salt
1/2 tsk pipar (má alveg vera meira)
Grænmetisolía til að steikja upp úr
2 gulrætur, skornar í litla bita
2 sellerístangir, skorið smátt
1 laukur, skorinn smátt (ég notaði rauðlauk
4 hvítlauksrif, pressuð
100 g chorizo-pylsa eða beikon ef vill (má sleppa)
1 1/2 lítri kjötsoð (á móti hverjum hálfum lítra setti ég 1 kjötkrafts tening)
1 dós hakkaðir tómatar
2 lárviðarlauf
1 kg skarlottulaukur, skorinn niður (ég notaði 1 poka)
7-8 gulrætur, skornar í stóra bita
1 kg af kartöflum, afhýddar og skornar í bita (ég notaði ca 10-12 kartöflur
4 paprikur, skornar í hæfilega stóra bita (ég notaði 1 papriku)
Balsamik síróp
Notið stóran pott. Skerið kjötið í 2-3 cm stóra bita. Veltið þeim upp úr hveitinu, paprikunni, saltinu og piparnum. Brúnið kjötið á pönnunni og leggið það svo til hliðar. Bætið við smá olíu á pönnuna og steikið gulræturnar, selleríið, laukinn, hvítlaukinn og chorizo eða beikon ef kosið er að nota það með og steikið það í um 10.mínútur. Þá er kjötið sett í pottinn aftur ásamt tómötunum, lárviðarlaufinu, kjötkrafti og niðurskornum skallotlauk. Látið malla í um klukkustund. Þá bætið þið við gulrótunum í stærri bitunum, kartöflunum og paprikunum og látið súpuna sjóða hægt í aðra klukkustund. Bragðbætið með balsamik sírópi, salti og pipar eftir smekk. Dreifið svo örlítið af steinselju yfir að lokum og berið súpuna fram með sýrðum rjóma ef vill. Ég notaði Grískt jógúrt ofan á, það var æði með Balsamik gljáanum.
Súpan var æðisleg
Þessi brauðuppskrift var gefin upp með en ég átti til Súrdeigs snittubrauð með sólþurrkuðum tómötum sem var dásamlegt með, prufa Focaccia-brauðið seinna.
Focaccia-brauð
Hver elskar ekki nýbakað brauð með gúllassúpunni og gæti hið ítalska brauð hentað vel með eða annað gott en einfalt er að útbúa Focaccia-brauð.
500 gr hveiti
1 pk þurrger
1 tsk hunang
1/2 tsk salt
4 dl vatn
Setjið gerið í 1 dl af volgu vatni með hunangi og leysið upp með því að hræra aðeins í því. Setjið því næst hveiti í hrærivélaskál ásamt geri og salti. Byrjið að hnoða og bætið vatni saman við. Hnoðið í 10-15 mínútur.
Eftir það er deigið aðeins hnoðað í höndunum og látið hefast í eina og hálfa klukkustund. Síðan er deigið flatt út þannig að það passi á bökunarplötu, fingrunum potað aðeins í deigið og ólífuolíu dreift yfir ásamt rósmarín eða öðrum kryddjurtum eftir smekk. Látið hvíla aftur í um hálftíma. Rífið þá mikið af parmesan ost yfir. Dreifið að lokum saltflögum yfir deigið.
Hitið ofninn í 200°c
Bakið brauðið í 20-30 mínútur. Dreifið ólífuolíu yfir þegar það kemur úr ofninum og aðeins meira af parmesan osti ef vill.
Uppskrift úr Fréttablaðinu 8.október 2022
Myndir Ingunn Mjöll
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
