Austurlensk kjúklingasúpa

February 14, 2022

Austurlensk kjúklingasúpa

Austurlensk kjúklingasúpa
Matarmikil og sérlega góð súpa þar sem greina má bæði indversk og kínversk áhrif. Ég eldaði þessa um daginn og myndi alveg gera hana aftur. Svo er hægt að bæta út í hana því sem maður á til í ísskápnum ef maður vill gera hana enn matarmeiri en hún er.
     
Steikið kjúklinginn létt á pönnu og geymið svo til hliðar

Fyrir 4

2-3 kjúklingabringur
2 msk olía
1 laukur saxaður
2 hvítlauksgeirar, saxaðir smátt
1 msk karríduft, milt eða meðalsterkt
1 msk söxuð engiferrót
1 l vatn
1 dós kókosmjólk (400 ml)
½ rauð paprika, skorin i litla teninga
Salt
1 pakki skyndinúðlur
2-3 msk söxuð steinselja

     

Skerið kjúklingabringurnar í fremur þunnar sneiðar þvert yfir og brúnið þær á báðum hliðum í olíu í víðum potti við háan hita.
Takið þær svo upp með gataspaða og geymið.
Lækkið hitann, bætið lauk og hvítlauk á pönnuna og látið krauma við meðalhita í nokkrar mínútur án þess að brúnast.
Hrærið karrídufti og engifer saman við og látið krauma í 1-2 mínútur.
Hellið vatninu yfir, hitið að suðu og látið malla við hægan hita undir loki í 10-15 mínútur.
Bætið kókosmjólkinni og paprikunni i pottinn og látið malla án loks í 5 mínútur í viðbót.
Saltið eftir smekk.
Myljið núðlurnar (gott að gera það áður en pakkinn er opnaður) og setjið þær í pottinn ásamt kjúklingabitunum. Ég keypti skyndinúðlur með kjúklingabragði og ég notaði kryddið sem fylgdi með í súpuna og fékk þar þetta extra bragð sem ég var að leita eftir og fannst pínu vanta en ég hafi bætt smá kryddum saman við aukalega svo ég mæli með að smakka vel til líka.

Látið sjóða í 5 mínútur í viðbót og skreytið með saxaðri steinselju.

Súpan fékk góða dóma gesta minna.

Njótið og deilið með gleði.

 

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni





Einnig í Súpur & grautar

Mexíkönsk Tómatsúpa og bollur!
Mexíkönsk Tómatsúpa og bollur!

April 04, 2024

Mexíkönsk Tómatsúpa og bollur!
Ég kaupi stundum svona bollumix frá Toro og er það í miklu uppáhaldi hjá mér, einstaklega góð blanda og bragðgóð. Ég hef bæði gert 1.stk langbrauð þá fyllt með allsskonar fræjum ofl, eins bolluhring og núna litlar bollur með súpunni. Mæli með!

Halda áfram að lesa

Baunasúpan mín!
Baunasúpan mín!

February 26, 2024

Baunasúpan mín!
Ég er búin að deila hérna nokkrum uppskriftum af baunasúpu frá öðrum en núna er komið að minni útfærslu.

Halda áfram að lesa

Toro kjötsúpa með skessujurt
Toro kjötsúpa með skessujurt

January 29, 2024

Toro kjötsúpa með skessujurt
Það kom að því að ég notaði skessujurtina sem ég fékk gefins og átti í frystinum niðurskorna. Skemmtileg tilbreyting en þótt ég hafi ekki vitað hvað Skessujurt,,,,

Halda áfram að lesa