Pizza á grillið
með ostafylltum kannti!
Þessi var alveg trufluð og alltaf gaman að geta leikið sér í pizzagerðinni og ég veit að margir eiga sér pizzadaga í hverri viku.
Pizzadeig:
225 g hveiti
1 pakki þurrger
1/2 tsk salt
2 msk ólífuolía
5 msk volgt vatn
1 egg
Öllu blandað saman og hnoðað vel, látið hefast á hlýjum stað.
Mótið botninn úr deiginu og setjið á smurða bökunarplötu.
Breiðið ofan á degið og látið standa í 10 mínútur áður en fyllingin er sett á.
Fylling:
Mozzarella ostur
Pizzasósa
Pepperoni
Skinka
green tabasco, bara örlitið
Rauðlaukur
Caper's
Mozzarella ferskur
Olívur, grænar fylltar
Spínat
Byrjið á að fletja út deigið og fylla það síðan með Mozzarella ostinum í kantinn, smyrjið pizzasósunni yfir, síðan pepperoni, skinku, rauðlauk, smá caper's, mozzarella ostinum stráð vel yfir eftir smekk og svo ferskum Mozzarella ostinunum í sneiðum ásamt ólívunum og spínatinu, setjið pizzuna á bökunarpappí og á grillið í ca 10 mín, en gætið hennar vel á meðan!
Borin fram með ljúffengu rauðvíni!
Uppskrift Rúnar Gregory
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Pizza með Mozzarella!
Þessi ofureinfaldi grunnur sem allir krakkarnir elska og við fullornu líka og svo bara velur hver og einn fyrir sig hvað hann vill fá aukalega ofan á pizzuna sína. Ég elska fjölbreytileikan og er dugleg við að prufa eitthvað nýtt og skemmtilegt.
Pizza Burrata!
Þessi ostur er bara eitthvað annað, segi það og skrifa! Var að smakka hann í mitt fyrsta sinn, já það er satt og ég get sagt ykkur að það er og verður ekki í það síðasta. Þvílíki sælkeraosturinn, toppaður með hunangi.
Pizza með Bufala Mozzarella!
Þessa útfærslu lærðum við vinkonurnar á pizzanámskeiði hjá Grazia Trattoría sem var alveg dásamlega gaman að fara á.
