Calzone pizza
Þegar ég var stödd í Bretlandi árið 1982 í ensku skóla þá var uppáhalds veitingastaðurinn okkar krakkanna ítalskur en þar hittumst við og fengum okkur pizzur, lasagna, bolonese ofl góðgæti, skrifuðum kort, spiluðum og nutum menningarinnar en það allra besta sem ég fékk var Calzone pizza en ég hef aldrei búið hana til sjálf fyrr en núna þessa og árið er 2020, ekki seinna að vænna fyrir svona sælkera eins og mig.
1.Pizzadeig (má vera tilbúið deig)
Pizzasósa
Mosarella ostur rifinn
Skinka
Sveppir
1.egg
Ég notaði tilbúið deig.
Ég setti það á borð og teygði aðeins úr því og mótaði það svo með disk.
(Afskurðinn notaði ég í þunnbotna pepperoni pizzu)
Síðan dreyfði ég pizzasósunnu vel yfir deigið, setti slatta af osti, skinkuna skar ég niður og sveppina og raðaði því jafn yfir degið og setti svo smá meiri ost.
Svo lokaði ég henni og þrýsti hliðunum niður með gaffli og pískaði svo egg og bar á toppinn á pizzunni og kryddaði smá með oregano.
Bakaði svo pizzuna í um 25.mínútur á 180°c eða þar til hún var orðin gyllt og djúsí að sjá.
Ég mun klárlega gera svona pizzu aftur fljótlega, aftur og aftur svo góð var hún.
Afskurðurinn á deiginu var notaður í pepperoni pizzu en þið getið sett hvaða álegg sem er ofan á.
Deilið & njótið
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Pizza með Mozzarella!
Þessi ofureinfaldi grunnur sem allir krakkarnir elska og við fullornu líka og svo bara velur hver og einn fyrir sig hvað hann vill fá aukalega ofan á pizzuna sína. Ég elska fjölbreytileikan og er dugleg við að prufa eitthvað nýtt og skemmtilegt.
Pizza Burrata!
Þessi ostur er bara eitthvað annað, segi það og skrifa! Var að smakka hann í mitt fyrsta sinn, já það er satt og ég get sagt ykkur að það er og verður ekki í það síðasta. Þvílíki sælkeraosturinn, toppaður með hunangi.
Pizza með Bufala Mozzarella!
Þessa útfærslu lærðum við vinkonurnar á pizzanámskeiði hjá Grazia Trattoría sem var alveg dásamlega gaman að fara á.
