Ravioli/Girasoli með risarækjum í sweet chilli rjómasósu
Ég hreinlega elska að setja saman nýja rétti og ósjaldan sem þeir verða eitthvað annað en ég lagði upp með í upphafi og þessi er einn af þeim. Hann fékk toppeinkunn og ég vona að þið prufið hann og verðið eins ánægð og við.
1.box af Ravioli/Girasoli, mitt var m/tómat og basil
1/2 lítri matreiðslurjómi
1 heill hvítlaukur
Blaðlaukur eftir smekk
1/2-1 paprika, rauð
1 dl Sweet chilli sósa
Smá Safran
1/2 dl hvítvín eða örlítið meira, smakkið til
1/2 poki af risarækjum
Rétturinn dugur alveg fyrir 3-4
Sjóðið pastað samkvæmt leiðbeiningum á því pasta sem þið kaupið.
Hitið rjómann og bætið út í hann hvítlauk, blaðlauk, papriku, sweet chilli sósunni, hvítvíni og safran ef þið eigið það til og látið malla í smá stund.
Bætið pastanum svo út í og rækjunum rétt í lokin áður en rétturinn er borin fram.
Ég var með snittubrauð með kokteiltómötum sem ég skar ofan á en fyrst smurði ég brauðið með smjöri og svo setti ég Prima Donna ost ofan á og inn í ofn þar til osturinn var bráðnaður. Gott er að krydda brauðið smá með salt og pipar úr kvörn áður en það fer inn í ofninn.
Ljúffengt salat með fyrir þá sem vilja.
Íssalat
Kokteiltómatar
Gúrka
Paprika
Radísur
Fetaostur svo í restina fyrir þá sem vilja til hliðar við.
Skreytt með steinselju
Verði ykkur að góðu og deilið með gleði.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Lasagna með spínati og hakki!
Hérna er á ferðinni einstaklega gott heimagert lasagna með blönduðu hakki, spínati, rauðlauk og hvítri sósu ofl. Mjög gott að skella í stórt eldfast mót ef margir eru í mat en annars er gott að setja í minni mót og skella þeim í frystinn. Alltaf gott að eiga til góða.
Sveppapasta!
Gourme pasta með Furusveppasósu og Furusveppum, pastað ættað frá Ítalíu, sósan frá vestfjörðum okkar fagra Íslands og handtýndir furusveppir frá Hallormsstað á austfjörðunum. Svakalega góð blanda sem ég hreinlega elskaði. Ég verð líka að bæta því við að bæði sósan og sveppirnir fást líka sem Lerkisveppasósa og sveppir. Allt alveg dúndurgott!
Tagliolini al Tartufo!
Skellti mér í bíltúr í Háls í Kjós til að versla mér smávegis nautakjöt beint frá býli en þar voru þau að selja líka sælkeravörunar frá Tariello svo ég verslaði mér þetta líka fína pasta sem endaði svo með hágæða íslenskum vörum og úr varð Sælkeramáltíð fyrir allan peningin. Þetta er eitt það allra besta pasta sem ég hef fengið.
