Síldarminjasafn Íslands
Síldarminjasafnið er eitt stærsta sjóminja- og iðnaðarsafn landsins. Og ég fór og skoðaði það og hafði bæði gagn og gaman af. Í þremur ólíkum húsum eru kynnt hvernig síldveiðum og vinnslu á silfri hafsins var háttað. 
Í Bátahúsinu liggja skip og bátar við bryggjur þar sem hafnarstemningin frá því um 1950 er endursköpuð. Svo gaman að sjá það og ekki skemmdi að manni leið eins að maður væri komin á sjó.
Róaldsbrakki er gamla norska söltunarstöðin og þar er flest eins og áður, vistarverur síldarstúlknanna, kontórinn og vinnuplássið. 
Síðasta síldartunnan afhent við hátíðlega athöfn.
Það vildi svo skemmtilega til að þegar ég var þarna stödd þegar verið var að koma með síðustu síldartunnuna heim frá Noregi og var það við hátíðlega athöfn þriðjudaginn 31.maí 2022 þar sem norðmaðurinn Petter Jonny Rivedal, sem varðveitt hefur ,,síðustu síldartunnuna” undanfarin 40 ár var að afhenda safnstjóra Síldarminjasafns Íslands tunnuna, sem féll nýsmíðuð frá borði tunnuflutningaskips í síðustu ferð skipsins frá Noregi til Íslands.
Tunnunni bjargaði hann úr flæðarmálinu í Rivedal þegar hana rak þar á land.
Skemmtileg sýning sem haldin er á góðviðrisdögum
Þetta var alvöru og allir glaðir
Á góðum sumardögum er þar sýnd síldarsöltun, harmonikan þanin og slegið er upp bryggjuballi. Í Gránu er safn um sögu bræðsluiðnaðarins sem löngum hefur verið kallaður fyrsta stóriðja Íslendinga. Þar hefur verið komið upp lítilli síldarverksmiðju frá 1935
Ég mæli svo innilega með því að þið skoðið þetta skemmtilega safn og gefið ykkur tíma, því það spannar mikla sögu og er í öllum þremur húsunum.
Þeir vissu alveg hvað var að fara gerast blessaðir mávarnir
Það var að koma matartími!
Hér fyrir neðan koma nokkra myndir frá sýningunni í húsunum, smá sýnishorn.
Svona litu nú húsgögnin út í þá gömlu góðu daga
Vistarverur (allir saman og engin sérherbergi)
Eldhús áhöld
Þvotta (vélin)
Gömlu myndavélarnar
Duggu dugg
Hérna má fara beint inn á síðu Síldarminjasafnsins
Texti & myndir
Ingunn Mjöll
Fyrir áhugasama um að skoða meira af ljósmyndum, smellið hér
Velkomið að deila áfram
Athugasemdir verða samþykktar áður en þær birtast.
Námskeið Salt eldhússins!
Þegar maður er búin að fylgjast með spennandi námskeiðum hjá Salt eldhúsinu í þó nokkurn tíma þá freistast maður á endanum og maður getur alltaf lært eitthvað nýtt. Ég valdi að fara á námskeiðið í Jólahlaðborðinu hjá þeim þar sem við settum saman 10 rétta jólahlaðborð.
Fiðrildi.is - Ásdís Guðmundsdóttir
Fiðrildaferðir er ferðaskrifstofa stofnuð árið 2025 af Ásdísi þar sem hún leggur mikla áherslu á samfélags- og menningartengda ferðamennsku. Þetta hugtak vísar til ferðaþjónustu sem er þróuð af heimamönnum í samstarfi við samfélög á svæðinu og þar sem áhersla er á að virðisaukinn verði eftir á svæðinu.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
