Premium Seasoning blends by Artos
Eru frábær krydd sem koma úr höndum hans Helga B Helgasonar matreiðslumeistara en hann lærði á sínum tíma hjá honum Stefáni í Múlakaffi á árunum frá 1976-1980.
Helgi B.Helgason
Kryddin eru 100% uppskriftir frá honum Helga og eru unnar og blandaðar á Spáni á svæðinu þar sem hann býr og hefur búið síðastliðin 25.ár. Þær eru blandaðar og pakkaðar í verksmiðjunni og koma í 6.tegundum og hægt að panta þær á síðunni hjá honum.
Helgi er líka mjög spenntur fyrir því að koma kryddunum í sölu hér á Íslandi og verður spennandi að fylgjast með því og hvort hann og við höfum ekki heppnina með okkur og einhver áhugasöm heildsala sé tilbúin í það að flytja þau inn fyrir okkur enda erum við mikil krydd þjóð og alltaf spennandi að fá ný krydd á markaðinn.
Ég er nú þegar búin að prufa fimm þeirra og þau eru alveg einstaklega góð, ég er sérstaklega hrifin af kryddunu með paprikunni og sítrónunni og ég elska kryddið á Graflaxinn, hef bara ekki fengið betri grafinn lax, þvílíka sælgætið fyrir okkur Sælkerana!
Graflaxblandan er léttust af þeim en hún er 270 gr og öll hin eru 290 nema Seasoned Salt, það er 330 gr.
Grunnurinn að þessu ævintýri hófst hjá honum Helga þann 12.maí 2019 daginn sem hann varð 59.ára...
Ég spurði hann hvaðan nafnið væri komið á kryddlínunni hans og hann sagði það vera komið af millinafninu sínu sem er Birnir en Artos á Gelísku getur þýtt björn.
Hann vildi hafa vörunafn sem hægt væri að nota um allan heim og á hann vörumerkið skrásett í Evrópu sem Premium Seasoning Blends By Artos.
Nú það fyrsta sem ég prufaði var SPG kryddblandan með paprikunni sem ég notaði á lamb og var það mjög gott, lék alveg við braglaukana mína og það næsta var Hot Wings Rub kryddblandan sem ég notaði á kjúklingavængi, þar dönsuðu bragðlaukar mínir líka og þar er hægt að leika sér smávegis með kryddið því þeir sem vilja t.d. ekki hafa það mjög sterkt, þeir bitar eru kryddaðir aðeins minna en þeir sem vilja sterkt, kryddið meira og ég er búin að prufa hvorutveggja og þeir voru æðislegir þegar ég kryddaði þá meira en engu að síður mjög góðir minna kryddaðir, næst ætla ég að krydda extra!
Allar tegundirnar 6 - Salt, Pepper & Garlic, Salt, Pepper & Garlic með papriku, Salt, Pepper & Garlic með sítrónu, Seasoned Salt, Hot Wings Rub No 7 og svo að lokum Graflax kryddið.
Sérstaklega gott að krydda grillbrauðið
Og krydda meira ef maður vill...
Hérna er ég með enn eina tegundina, Seasoned Salt með bláa miðanum á lambarifjum sem ég var með.
Setti síðan smá barbeque sósu á í restina, himnesk blanda
Hérna var ég með Hot Wings Rub á kjúklingavængina en það hentar að sjálfsögðu líka vel á allan kjúkling.
Gott með frönskum...
Hérna var ég með Salt, Pepper & Garlic með paprikunni á lítinn Kiðlingahrygg sem ég eldaði mér, alveg svakalega gómsætt. 
Hérna var ég með kjúklingalæri og notaði Hot Wings Rub kryddið
Dásamlega gott með fersku salati og sinnepssósu
Graflax
Sá allra besti Grafni lax sem ég hef fengið!
Sítrónulax - Lax með sítrónublöndunni.
Heimasíða Artos
Feisbókarsíða Artos
Velkomið að deila áfram...takk kærlega fyrir það.
Texti & myndir
Ingunn Mjöll/Islandsmjoll
Athugasemdir verða samþykktar áður en þær birtast.
Námskeið Salt eldhússins!
Þegar maður er búin að fylgjast með spennandi námskeiðum hjá Salt eldhúsinu í þó nokkurn tíma þá freistast maður á endanum og maður getur alltaf lært eitthvað nýtt. Ég valdi að fara á námskeiðið í Jólahlaðborðinu hjá þeim þar sem við settum saman 10 rétta jólahlaðborð.
Fiðrildi.is - Ásdís Guðmundsdóttir
Fiðrildaferðir er ferðaskrifstofa stofnuð árið 2025 af Ásdísi þar sem hún leggur mikla áherslu á samfélags- og menningartengda ferðamennsku. Þetta hugtak vísar til ferðaþjónustu sem er þróuð af heimamönnum í samstarfi við samfélög á svæðinu og þar sem áhersla er á að virðisaukinn verði eftir á svæðinu.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
