Pizzaskóli Grazie Trattoria!
Við skelltum okkur vinkonurnar loksins í pizzaskólann hjá Grazie Trattoria en við vorum búnar að vera spenntar fyrir því að fara frá því í fyrra (2024). Þarna var saman komin góður hópur af áhugasömum pizzaáhuga unnendum til að læra að gera sína eigin pizzu og pizzadeig að hætti Napólí. Sumir hverjir áttu sína eigin pizzaofna og spannst upp umræða hver þeirra væri góður og afhverju og lærðum við það allavega að það væri annað hvort gott að eiga 16" ofn eða með snúning svo það væri ekki erfitt að snúa pizzunni, góðir punkar þar.
Ég féll gjörsamlega fyrir þessu, já og að eiga pizzaofn með snúning og varð ofninn frá Jax handverk, honum Jóni Axel Ólafssyni fyrir valinu og ég gat sagt ykkur að pizzur og pizzagerð fór upp á algjörlega nýja hæð hjá mér, dúndur græja.
Inngangurinn þar sem ferlið er kynnt fyrir okkur...
Pizzadeigið
Nú þeir félagar Carlos og Michael kynntu hvorn sinn hlutann sem kemur að pizzagerðinni og fræddu okkur um þennan skemmtilega heim pizzunnar. 
Þá var bara að græja á sig svuntu og skella sér í hanska og byrja
Ég get sagt ykkur að þarna voru þvílíkar meistarahendur að verki, sumar svo reyndar að þær voru ráðnar á staðnum, laun, Limoncello eins og þú gast í þig látið eða svona innan skynsemismarka!
Eftir það hófumst við handa hvert og eitt og sýndum okkar listatakta í pizzagerðinni. 
Þarna lærði maður hvaða sósu var best að vera með.
Smelltum svo á þessari æðislegu pizzatómatsósu, mosarella ostinum sem var rifinn og alveg einstaklega ljúffengur og svo var það basilíkan og fyrir þá sem vildu, toppað með pepperoní. 
Þarna fengum við sýnikennslu í hvernig best væri að skella pizzunni í ofninn, sjóðandi heitan!
Dásamlegt að sjá pizzurnar snúast þarna inni 
Þá tók við að skella pizzunni í um 350°c heitan ofninn eftir sýnikennsluna í því áður og viti menn, ég skellti henni inn eins og fagmaður en óskaði reyndar aðstoðar við að sækja hana inn aftur alveg sjóðandi heita og kraumandi, þvílíka pizzan, þvílíka veislan og þið segjið ekki neinum frá en það varð ekki arða eftir af henni!
Þetta var dásamlega skemmtileg samverustund með vinkonu og þarna mátti sjá saman komnar fjölskyldur, vini, feðga, mæðgur, pör og hjón og allir svo innilega glaðir með pizzagerðina sína. Ég mæli virkilega með og núna langar mig til að fara á pasta námskeiðið hjá þeim líka. Ég deili því þá með ykkur.
Við fórum svo vinkonurnar seinna og borðuðum þar alveg hreint æðilegan mat og við ákváðum að fá okkur kjötrétti báðar og svo eftirrétt sem allt var alveg æðislega gott.
Occo buco sem bráðnaði í munni
Kálfasnizel sem var alveg himneskur og ekki arðar varð eftir að.
Og svo deildum við Tiramisú í eftirrétt enda vel saddar eftir matinn.
Texti & myndir
Ingunn Mjöll/Islandsmjoll
Athugasemdir verða samþykktar áður en þær birtast.
Miðhraun - Lava Resort!
Falinn perla á Snæfellsnesinu fagra.
Í þriggja nátta helgarferð minni gisti ég í Ömmuhúsi á Miðhrauni - Lava Resort sem er staðsett ekki langt frá vegamótunum þegar maður er að fara á Stykkishólm en þangað lá leið mín svo...
Hraunsnef í Borgarfirði!
Ég gisti ég á Hraunsnefi í Borgarfirðinum fyrstu nóttina í löngu helgarfríi sem ég tók mér frá höfuðborginn en þangað hafði ég komið og gist með vinkonu fyrir örugglega meira en 10.árum síðan og átti góðar minningar þaðan.
Pastaskóli Grazie Trattoria!
Fyrir ári síðan fórum við vinkonurnar saman í Pizzaskólann hjá Grazie Trattoria og nú var komið að því að fara og læra að gera heimagert pasta. Ég mæli 100% með hvorutveggja beint frá mínum hjartarótum.
