Mannamót 17.janúar 2025!

Hérna má sjá hann Júlla The Tourguide, Júlíus Freyr Theodórsson leiðsögumaður af húð og hári og segir líka þetta skemmtilega frá og það var virkilega gaman að fylgjast með honum á miðlunum á tímum sem ekki mátti hittast en þið finnið hann á feisbókinni hérna og getið fylgt honum og bent öðrum á hann.

Síðan var það hún Soffía hjá Hvalaskoðunarferðir á Hauganesi að kynna elsta hvalaskoðunar fyrirtæki landsins, aðeins upptekin þegar ég smellti af þeim myndinni.

Þar er boðið upp á ferðir í tvemur klassískum íslenskum eikarbátum. Í 99% ferða þeirra má sjá hnúfubaka, hrefnur, hnísur, háhyrninga og steypireyðar og voru þeir í ca 25.mínútnar fjarlægð frá Hauganesi. Á Hauganesi er margvísleg önnur þjónusta í boði eins og veitingastaðurinn Bacalo og heitu pottarnir sem hafa verið afar vinsælir en einnig tjaldsvæði og gisting.

Hérna er hægt að skoða heimasíðuna þeirra.

Hérna er hún Ólöf Ýrr Atladóttir að kynna Sóti Summits fyrirtækið sitt Sólgarð í Fljótunum sem hún og eiginmaður hennar Arnar Þór Árnason keyptu haustið 2015. Náttúra Fljótanna og útvistarmöguleikar eru ansi margir og skemmtilegir en ásamt því að reka hótel þá reka þau líka ferðaskrifstofu og bjóða upp á allsskonar útivistarferðir, gistimöguleika ofl ansi áhugavert. Allar upplýsingar um þær má finna hérna

Feisbókarsíðan þeirra
Heimasíðan þeirra


Sögusetrið1238/The Battle Of Iceland
Freyja Rut Emilsdóttir fræmkvæmdastjóri kynnti þessa áhugaverðu sýningu sem staðsett er á Sauðárkróki, nánar tiltekið að Aðalgötu 21. Það verður gaman að heimasækja það og fá sér í leiðinni eitthvað gott að borða á Grána Bistro.

Heimasíðan þeirra 
Feisbókarsíðan þeirra
Grána Bistro síðan

Guðmundur Þór Birgisson framkvæmdarstjóri fyrir Jarðböðin á Mývatni

Hann kynnti böðin og nýjungar í uppbyggingu og stækkun á böðunum sem eiga að vera tilbúin árið 2026. Verður spennandi að koma við og sjá. Ég hef aðeins einu sinni farið í böðin og líkaði vel. Skemmtileg tilbreyting í ferðalagi mínu um landið það árið.

Jarðböðin eru fyrir alla sem vilja njóta þess að vera í beinni snertingu við náttúruna, slaka á og endurnæra líkama og sál. Boðið er upp á náttúruleg gufuböð, baðlón með heitu hveravatni og heitan pott. Það er gott að gefa sér góðan tíma og slaka vel á þarna. Vera og njóta.

Heimasíðu Jarðbaðanna má finna hérna

Slakaðu á - Njóttu - Upplifðu

Hérna eru þeir Stefán og Daníel að kynna Dalasetur sem staðsett er í Unadal í Skagafirðinum, skammt frá Hófsós eða tæplega 4 kílómetra frá Hofsós.

Dalasetur er kyrrlátur og friðsæll staður í Unadal sem er tilvalinn fyrir alla þá sem vilja njóta sín í fallegu og björtu bjálkahúsi, úti í náttúrunni hvort sem það er að fara í fjallgöngu, frisbígólf, saunu eða bara slaka á í heitu náttúrulauginni sem liggur við árbakkann.

Þeir Daníel Þórarinsson og Stefán Óskar Hólmarsson eru þeir sem eiga og reka þennan stað og er markmið þeirra að þú njótir þín sem allra best, náir góðri afslöppun til að fullhlaða batteríin.

Skemmtilegu einkunnar orðin þeirra eru...
Komdu sem gestur og farðu sem vinur.

Mér finnst þetta einstaklega spennandi hjá þeim og það sem vakti svo skemmtilega athygli mína voru eyrnalokkarnir sem annar þeirra var með, bolli og undirskál, eitthvað sem ég væri klárlega til í að eiga sett af.

Vá hvað þetta er glæsilegt hjá þeim, það er hugsað yfir öllu! Skoðið myndir og videó hér

Feisbókarsíðan þeirra
Heimasíðan þeirra

Ragnar F.Olsen stóð vaktina fyrir Arctic hótels á Mannamót 2025

Arctic Hotels rekur Hótel Tindastóll & Annex, 550 Guesthouse og sumarhótel Mikligarðs. Öll eru þau staðsett á Sauðárkróki.

Feisbókar síðuna þeirra má finna hérna

Sigrún og Evelyn Ýr

Sigrún Helga Indriðadóttir hjá Rúnalist Gallerí á Stórhól Skagafirði kynnti það sem þau hafa upp á að bjóða eins og fallegt handverk úr íslensku náttúrulegu hráefni, sælkeramatvörur beint frá býli ofl sem þau bjóða upp á en hægt er að koma og heimsækja þau líka og hitta íslensku landnámsgeitina þeirra og önnur dýr á bænum, þetta allt heillar mig.

Ég hef hitt hana nokkrum sinnum áður en aldrei á heimavelli, svo það er komið á heimsóknarlistann minn. Ég hef líka verslað hjá henni kjötvörur beint af býli og skellti í eina uppskrift og bætti svo við hennar uppskriftum með. 

Uppskrift af Kiðlingahrygg

Heimasíðan þeirra
Feisbókarsíðan þeirra

Evelyn Ýr Kuhne kynnti fyrir okkur hvað fjölskyldan býður upp á en þau eiga og reka ferðaþjónustu og hestabúgarð á Lýtingsstaðir í Skagafirðinum. Þar ríkir ástríða fyrir sveitalífinu og íslensks menningararfs og má þar nefna íslenska hestinn, íslenska fjárhundinn og íslensk rofhús. Fjölskyldna samanstendur af honum Sveini Guðmundssyni sem er fæddur og uppalinn á Lýtingsstöðum, eiginkonu hans Evelyn Ýr sem er uppalinn í Þýskalandi og hefur búið hér frá árinu 1995 og svo syni þeirra Júlíusi Guðna. 

Staður sem kominn er á heimsóknarlistann minn en þau bjóða upp á skemmtilega Sveitaheimsókn fyrir fjölskylduna, hestaferðir, gistingu í gestahúsunum þeirra, skoðun á torfhesthúsinu og að lokum nýuppsetta sýningu um íslenska fjárhundinn vorið 2025.

Heimasíðan þeirra
Feisbókarsíðan þeirra


Hérna eru þær mæðgurnar Þórhalla Bergey og Ólöf Hallgrímsdóttir einn af eigendum Vogafjóss í Mývatnssveit.

Vogabú hefur verið í eigu sömu fjölskyldu í um 120 ár.
Kýr og kindur voru uppistaðan til að byrja með kemur fram á heimasíðu þeirra, ásamt nokkrum hænum, tveimur hestum og hundi. Það hefur mikið breyst síðan þá. Því árið 1999 var byggt upp nýtt fjós  og eru nú um 40 kýr og nautgripir í fjósinu.

Þar við bættist svo Kaffihúsið Vogafjós sem var svo byggt innan við fjósið en þar er boðið upp á ljúffengar veitingar. Í dag reka þau glæsilegt veitingahús þar sem hægt er að fá góðan mat með úrvarlshráefni frá Norðurlandi.

Hægt að sjá kýrnar mjólkaðar og jafnvel bragða á glænýrri mjólk beint úr spenanum. Hversu dásamlegt er það.

Árið 2005 bættu þau sem enn betur um og reistu gistihús við til viðbótar við Vogafjós. Gistihúsin eru falleg bjálkahús, herbergin rúmgóð og öll með sérbaðherbergi.

Heimasíða Vogafjós
Feisbókarsíðan þeirra

Hérna er hún Úlla Árdal að kynna það sem er í boði á Visit Mývatn og nágrenni.

Hægt er að skoða allt um það hérna
Og svo má finna þau hérna á feisbókinni

Svava Hlín Arnarsdóttir kynnti fjölskyldurekna fyrirtækið Friends of Moby Dick sem staðsetta er á Húsavík.

Moby Dick er lítið fjölskyldurekið fyrirtæki, reyndar eru þau það minnsta á Húsavík sem býður upp á hvalaskoðunarferðir en með áratuga reynslu og ástríðu þar sem Arnar yfirskipstjóri og fyrsti skipstjórinn sem sigldi í svoleiðs ferðum á Húsavík. Þið finnið allt um þau hérna

Henni við hlið var svo hann Joaquim Navarro sem er hótelstjórinn á Fosshótelinu á Mývatni. Þar gisti ég í hringferð minni árið 2020 eða 2021 á þeim skrítnu tímum. Fallegt hótel á fallegum stað sem ég náði ekki að njóta sem skildi þá en koma tímar, koma ráð.

Finna má Fosshótel Mývatni hérna

Listakot Dóru!

Listakonan Hólmfríður Dóra Sigurðardóttir hefur rekið Listakot Dóru á fjölmörgum stöðum en hefur nú flutt á æskustöðvar sínar í að Vatndalshólum þar sem hún byggði sýningarsal og vinnuaðstöðu. Listakot Dóru er staðsett um 2 kílómetra inn í Vatnsdal að vestan verðu. Ég mun heimsækja hana næst þegar ég leið um.

Dóra málar kerti við öll tækifæri, hún málar íslenskt landslag og kort, heldur sýningar og vinnustofur og er að fara bjóða upp á gönguferðir með leiðsögn í sumar sem verða auglýstar frekar á feisbókarsíðunni hennar, fylgist því með því hérna. 

Þeir Björn Þór Kristjánsson eigandi og Jesus Briceno yfirkokkurinn á staðnum buðu upp á léttar veitingar frá B&S Restaurant á Blöndósi og kynntu veitingastaðinn í leiðinni. Staðurinn er í alfaraleið á þjóðvegi 1 og margir sem leggja leið sína þangað í stoppi á milli Reykjavíkur og Akureyri, nú eða öfugt, Akureyri - Reykjavík.

Ég hef sjálf ekki stoppað þar enn sem komið er svo ég get ekki lagt mat mitt á hann enn sem komið er en stefni á að stoppa þar í næstu ferð norður og deili því þá með ykkur.

Þið finnið síðuna þeirra á feisbók hérna


Hérna er hún Signý Jónasdóttir að kynna Norðursiglingu/North Sailing en ég hitti hana líka á Mannamót 2024. Hún er með aðsetur á Árskógssandi þar sem nýlega var byrjað að sigla frá í staðinn fyrir Hjalteyri sem sem var áður en aðalskrifstofan er á Húsavík, höfuðborg hvalanna á Íslandi.

Hvalaskoðunarferðir, siglingar, ævintýraferðir, hvalaskoðun á seglskútu, sigling út í Lundey þar sem má sjá fjölskrúðugt fuglalíf þar sem þúsundir Lunda dvelja yfir sumartíman, sigling við heimskausbaug, tveggja nátta ferð eða sigling út í Flatey á Skjálfanda, ein af draumaferðunum sem mig langar mikið til að fara í en þar er líka mikil fuglaparadís. Þangað er líka hægt að fara og gista í 2 húsum sem þar eru í útleigu, fá leiðsögn, kokk til að koma og elda ofl ofl en byrjum á Hvalaskoðunarferðinni, gjafabréfinu sem ég er búin að eiga í mörg ár en aldrei komist í, spurning hvaða ár það verður en það er ennþá á stefnuskránni minni.


Þær Silfá Sjöfn Árnadóttir og Herdís Þ.Jakobsdóttir framkvæmdastjóri hjá Kayakar.is kynntu ferðir sem eru í boði hjá þeim en fyrirtækið er staðsett á Skagaströnd.

Frekari upplýsingar má finna á heimasíðunni þeirra hérna
Og svo á feisbókinni hérna


Örvar Birkir Eiríksson framkvæmdastjóri Selaseturs Íslands og Erla kynntu Selasetrið sem staðsett er á Hvammstanga. Ég á alveg eftir að skoða það enda er af ansi mörgu að taka á okkar Litla/Stóra landi þegar kemur að söfnum og öðrum fróleik. En ég er búin að sjá og mynda selina sem eru þarna við Illugastaði allt árið.

Heimasíða Selasetursins á Íslandi er hérna
Feisbókarsíðan þeirra hérna

Þú finnur Islandsmjoll líka á Instagram

Markaðsstofur landshlutanna má finna á feisbókinni hér

Mig langar að lokum til að hrósa öllum þeim sem bjóða upp á íslensku á heimasíðunum sínum en það er eitthvað sem mér persónulega vera og ætti að vera algjört skilyrði að gera með fyrirtæki á Íslandi. Ég heyrði að margir voru að fara í þá vinnu en því miður ekki allir og í sumum tilfellum var boðið upp á t.d. 2-5 tungumál og ekki eitt einasta þeirra íslensk! Á Íslandi ætti að sjálfsögðu að vera fyrsta mál í boði íslenska og ég veit það flest allir eru sammála því.

Óskandi að það verði bót á.