Hellarnir við Hellu!
Lengi langað til að skella mér í þessa hellaskoðunarferð á Hellu og lét loksins verða að því þegar ég dvaldi í viku í Fljótshlíðinni. Ég skellti mér í ferð sem boðið var upp á fyrir íslensku mælandi en þær eru auglýstar sérstaklega.
Annars eru Hellarnir við Hellu staðsettir við þjóðveg 1 í aðeins um klukkutíma fjarlægð frá Reykjavík, ágætis bítúr til að njóta sveitasælunnar.
Það var verulega skemmtilegt og fræðandi að fara í Hellana á Hellu og gaman að sjá hvað það er búið að gera mikið þarna og framkvæma, grafa og setja saman í áhugaverðan fróðleik sem ég hafði gaman af. Ég ætla ekki að skemma fyrir ykkur með því að segja of mikið því það er svo mikið skemmtilegra að heyra það frá heimafólkinu sem hefur haft fyrir því að setja þetta upp.
En þeir eru 12 fornir hellar sem hafa fundist í landi Ægissíðu við Hellu.
Farið er inn í 3 af þeim og litið inn í 2 af þeim.
Hérna er hægt að tilla sér aðeins niður á meðan beðið er þar sem seldir eru miðar nema þið séuð búin að kaupa á netinu sem flest allir gera orðið en ekki allir.
Leiðsögn á ensku alla daga kl. 10:00, 12:00, 14:00 og 16:00.
Ferðir á íslensku fyrsta laugardag í hverjum mánuði kl.14:00
Ath að eingöngu er hægt að skoða hellana í fylgd leiðsögumanna.
Skoða heimasíðuna þeirra hérna
Lagt var af stað og hellarnir eru lýstir upp skemmtilega hvert sem farið er.
Draugarnir i hellunum, nei nei bara skemmtilega hreyfð mynd!
Reglulega eru í boða Lúxusferðir fyrir hópa þar sem boðið er að sjálfsögðu boðið upp á einkaleiðsögn um hellana og þar á meðal er svo boðið upp á smakk af Flóka viskí sem er fyrsta og eina viskíið sem framleitt er að öllu leiti á Íslandi, bjórsmakk frá Brugghúsinu Álfi í Þykkvabæ og svo góðgæti beint úr héraði, áhugaverður kostur fyrir starfsmanna og vinahópa.
Hérna eru hún Hanna leiðsögukona að segja frá sögu hellanna
Það má finna margt áhugavert...
Einn af inngöngunum í hellana
Hérna kennir ýmissa hluta
Einn af þeim sem eru í vinnslu og verður bætt við í hellaskoðuninni á komandi árum en það er margt áhugavert á teikniborðinu hjá þeim.
Ekki gleyma að skrifa í gestabókina ;)
Fjölskyldan á Ægíssíðu hefur séð um hellana í nærri 200 ár og 2019 opnuðum þau fjóra af tólf hellum fyrir almenningi. Í júlí 2024 hófst uppgröftur í fimmta hellinum og er nú hægt að skyggnast inn í hann. En meginmarkmiðið er að varðveita hellana og segja sögu þeirra, söguna sem forfeður okkar sögðu okkur af leyndardómum hellanna og landnáminu fyrir landnám segja þau á heimasíðunni en þið getið lesið meira um það sjálf hérna.
Texti & myndir
Ingunn Mjöll/Islandsmjoll
Athugasemdir verða samþykktar áður en þær birtast.
Slow Food markaður í Flóru!
Slow Food heldur reglulega markaði hér og þar og hérna voru þau með markað í Flóru-grasagarðinum þann 27.september. Ég elska að líta á allsskonar matartengda markaði enda hefur matur og allt sem honum tengist verið eitt af mínum aðal áhugamálum frá unga aldri.
Háls í Kjós!
Ég skellti mér í laugardags-bíltúr í kjósina í sumar til að skoða það sem í boði var hjá þeim hjá Háls í Kjós en það hefur aukist til muna að fólk sé farið að kaupa beint frá býli og ég engin undartekning þar á enda gæðakjöt í boði á betra verði.
Vetrar matarmarkaðurinn 2025!
Var haldinn helgina 7 og 8.mars í Hörpunni eins og svo oft áður. Matarmarkaðurinn er svo heldur betur búin að stimpla sig inn hjá undirrituðum og öðrum áhugasömum um mat og matarmenningu.
