Purusteik

April 22, 2020

Purusteik

Purusteik
Hátíðarsteik um hátíðar eða til hátíðarbrigða.
Ég elska góða purusteik og hún þarf ekkert að vera neitt stór til að halda veislu en hún getur líka verið svínabógur með góðri purru.

Það sem skiptir öllu er valið á steikinni í upphafi, allt eftir því hvort þú ætlar hafa svínasíðu eða svínabóg og ef þú vilt hafa stökka puru en það er að hafa 2-4 cm fiturönd ofan á en það er einmitt galdurinn við góða stökka brakandi puru, fitan.

Það  skiptir máli að undirbúa pöruna rétt, passa að skurðirnir séu djúpir og puran vel þurr.
Nuddið salti vel á hana og pipar, ég hef líka alveg notað smá Seson All

Pipar
Negulnaglar
Lárviðarlauf

Skerðu í pöruna með beittum hníf með 1-2 cm á milli, allt eftir því hvað þú vilt hafa breiða rönd eða kubba.
Ef búið var að skera hana þegar þú keyptir hana, skaltu yfir fara skurðina, svo þeir séu nógu djúpir.
Þerraðu pöruna með eldhúspappír og nuddaðu hana og kjötið vel með salti og kryddaðu með pipar.
Stingdu negulnöglum og hálfum lárviðarlaufum ofan í skurðina á víð og dreif.
Settu steikina í ofnskúffu eða stórt eldfast mót.hitaðu ofninn í 200°c. 
(Margir setja hana á hvolf í ofnskúffuna ofan í vatnið í byrjun og snúa henni svo upp og setja á grindina og lækka niður í ofninum niður í 160°c) 
Helltu þá ½ -1 lítra af vatni í ofnskúffuna.
Steiktu kjötið í um 1 ½ klst. Eða þar til kjarnahiti er um 68°c.
Ef puran er ekki nógu stökk má hækka hitann rösklega í lok steikingartímans eða
kveikja jafnvel á grillinu en þá þarf að fylgjast með svo að puran brenni ekki.
Gott er að nota kjöthitamæli.

Ég var með brúnaðar kartöflur með, döðlurjómasalat, ferskt salat og rjómasveppasósu.

Njótið og deilið!

 

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni




Skildu eftir athugasemd


Einnig í Kjötréttir

London lamb
London lamb

April 23, 2024

London lamb
Það er ekki ósvipað létt reyktum lambahrygg en þó aðeins og kannski safaríkara. Ódýrara líka oft á tíðum og glæsilegt á veilsuborðið með öllu tilheyrandi.

Halda áfram að lesa

Framhryggssneiðar í raspi
Framhryggssneiðar í raspi

March 26, 2024

Framhryggssneiðar í raspi
Oftar en ekki þegar maður kaupir heilan skrokk þá eru þessar fínu framhryggssneiðar með í pokanum og hérna elda ég þær nokkurnvegin eins og kótelettur í raspi en með öðru meðlæti. Ljúffengum kartöfluskífum með Svövu sinnepi og mosarella osti, grænum baunum og smá af fersku íssalati og tómötum.

Halda áfram að lesa

Mexikóskt nauta lasagna!
Mexikóskt nauta lasagna!

March 07, 2024 2 Athugasemdir

Mexikóskt nauta lasagna
Fyrir stuttu síðan bjó ég til tortillu lasagna með kjúkling og það vakti þvílíka lukku að ég ákvað að búa til með nautahakki og það var hreint út sagt alveg frábært líka.

Halda áfram að lesa