Steiktur blóðmör með eplum!
Flestum finnst hann bestur steiktur á pönnu með rófustöppu, aðrir bera fram með honum kartöflumús og hérna er sú þriðja komin með eplum.
800 gr soðinn blóðmör
3-4 græn epli
50 gr smjör
1-2 msk sykur, helst hrásykur
Söxuð steinselja (má sleppa)
Blóðmör skorinn í 1-1 ½ cm þykkar sneiðar. Eplin afhýdd, kjarnstunginn og skorin í 8-12 báta hvert.
Helmingurinn af smjörinu bræddur á stórri pönnu og eplabátum raðað á hana.
Sykri stráð yfir og eplin látin krauma við hægan hita þar til þau eru nærri meyr.
Snúið eða hrært öðru hverju. Þau eru svo tekin af pönnunni með gataspaða og haldið heitum.
Hitinn hækkaður dálítið, afgangurinn af smjörinu settur á pönnuna og síðan er
blóðmörssneiðum raðað á hana og þær steiktar á báðum hliðum þar til þær eru heitar í gegn.
Eplin sett aftur á pönnuna, steinselju stráð yfir, ef hún er notuð, og borið fram.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Sláturtíðin!
Það eru margir sem eru duglegir við sláturgerð og hafa hugsanlega gert allsskonar úr innmat alla tíð. Sumir kannski að byrja og aðrir sem kannski hafa gert eitthvað af þessu einu sinni eða tvisvar og enn aðrir, aldrei!
Plokkfiskur gratineraður!
Bæði er hægt að útbúa plokkfisk úr afgangs fiski en svo er líka minnsta mál að gera hann frá grunni. Minnsta mál er líka að tvöfalda uppskriftina ef fleirri eru í mat.
Kálbögglar, gamaldags!
Hér á árum áður þá aldist ég upp við að fá kálböggla, ekki kjötfarsbollur og kál, heldur böggla. Svo týndist tíminn og allt í einu var ég farin að setja þetta skorið hvítkál og bollur saman í pott og sjóða. Það var því eitthvað við þetta sem rifjaði upp gamla tímann þegar ég pakkaði bollunum innan í hvítkálið og batt saman. Nostalgía!
