Steiktar kjötbollur
Góðar með brúnni sósu en það er líka alveg í lagi að prufa fleirri tegundir eins og karrísósu, sveppa, villi og rjómasósu, þær ættu allar að ganga upp með.
1.pk af kjötfarsi (ég kaupi oft frosið kjötfars í lengjum í Bónus frá Kjarnafæði og á í frystinum en það þiðnar mjög fljótt)
Settu smjörlíki á pönnu og notaðu svo skeið til að mynda bollurnar beint úr pakkanum, gott er að dýfa henni í smjörlíkið eða heitt vatn í glasi á milli svo að farsið festist ekki við skeiðina.
Þegar búið er að brúna þær á annarri hliðinni þá má snúa þeim við hverri á fætur annarri. Látið þær malla í ca.20 mínútur.
Gott er að setja bollurnar í fat og inn í ofn að halda heitu á meðan sósan er löguð til.
Brún sósa:
500 ml af vatni
1-2 tengingar af kjötkrafti
Maizena mjöl
Setjið vatnið á pönnuna þegar búið er að taka bollurnar af henni. Setjið teninginn út í vatnið og hrærið í. Þegar vatnið fer að byrja að sjóða er gott að byrja að þykkja með maizena mjölinu smátt og smátt og lækka undir. Bragðbætið eftir smekk með salti og pipar í viðbót ef vill.
Bollurnar eru svo bornar fram með sósunni, kartöflum og sultu eða salati.
Verði ykkur að góðu!
Deilið að vild.
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Steiktur blóðmör með eplum!
Flestum finnst hann bestur steiktur á pönnu með rófustöppu, aðrir bera fram með honum kartöflumús og hérna er sú þriðja komin með eplum.
Sláturtíðin!
Það eru margir sem eru duglegir við sláturgerð og hafa hugsanlega gert allsskonar úr innmat alla tíð. Sumir kannski að byrja og aðrir sem kannski hafa gert eitthvað af þessu einu sinni eða tvisvar og enn aðrir, aldrei!
Plokkfiskur gratineraður!
Bæði er hægt að útbúa plokkfisk úr afgangs fiski en svo er líka minnsta mál að gera hann frá grunni. Minnsta mál er líka að tvöfalda uppskriftina ef fleirri eru í mat.
