Ítölsk Toro grýta!
Ég skellti í eina grýtu með hakki, pakka af Toro grýtu, gulrótum og kartöflumús, toppað með rifnum osti og sett inn í ofn. Einstaklega góður og heimilislegur matur sem toppaður er svo með heimagerðri rabarabarasultu.
500 gr nautahakk
1 pk Toro Ítölsk gryte
500 ml vatn
3-4 gulrætur
rifinn ostur
Steikið hakkið upp úr smjörlíki, ca 50 gr eða olíu. Passið að steikja það vel. Bætið þá saman við 500 ml af vatni og setjið pakkan af grýtunni saman við. Skerið gulrætur i sneiðar eða raspið niður með rifjárni, ég gerði bæði. Látið malla í um 20 mínútur.
Sjóðið kartöflurnar og gerið kartöflumúsina samhliða grýtunni.
300-400 gr af kartöflum
Sjóðið kartöflurnar, stappið þær síðan með með klípu af smjörlíki og hrærið saman við mjólk þar til ykkur finnst kartöflumúsin vera orðin eins og þið viljið hafa hana, milliþykka eða þykka, sykrið og smakkið til.
Þegar bæði grýtan og kartöflumúsin eru tilbúin þá byrjið þið á því að setja kartöflumúsina í eldfast form, þar ofan á grýtuna og svo toppað með rifna ostinum. Setjið inn í heitann ofn og hafið í um 10.mínútur eða þar til osturinn er bráðinn.
Njótið þess að deila uppskriftinni áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Steikt lambalifur!
Lambalifur er eitt af því sem ég lærði að borða á unga aldri með móður minni þegar pabbi var í vinnuferðum þar sem hann var ekki fyrir innmat. Ég tel mig vera heppna að hafa lært það og ég reyndi að kenna sonum mínum það en gekk ekki eins vel en að mínu mati er þetta herramanns matur.
Steiktur blóðmör með eplum!
Flestum finnst hann bestur steiktur á pönnu með rófustöppu, aðrir bera fram með honum kartöflumús og hérna er sú þriðja komin með eplum.
Sláturtíðin!
Það eru margir sem eru duglegir við sláturgerð og hafa hugsanlega gert allsskonar úr innmat alla tíð. Sumir kannski að byrja og aðrir sem kannski hafa gert eitthvað af þessu einu sinni eða tvisvar og enn aðrir, aldrei!
