Sælkerakjötfars á brauði!
Margir kannast við kjötfars á brauð og aðrir muna eftir nafninu yfir það sem Rónasteik, ekki veit ég hvaðan það nafn er komið en þær eru margar nafna útgáfurnar á honum þessum.
Hérna skellti ég honum í sælkerabúning, svona eins og hægt er!
1 rúlla af kjötfarsi, ég persónulega á alltaf til 1 stk af Kjarnafæði rúllunum frosnum
1 samlokubrauð, ég nota ýmist fínt eða gróft, meira samt þarna í þessu fína
1 krukka af Sinnepi Svövu, þær eru 6 bragðtegundirnar sem í boði eru, sjá hér
1-2 egg á mann
Mín tillaga fyrir fámennt heimili, nú eða einsetu er að steikja allt og frysta svo tvær og tvær saman og taka út síðar, svona þegar maður er of þreyttur til að elda.
Byrjið á að smyrja sinnepinu á brauðsneiðarnar
Allt við hendina
Steikið svo á pönnu og smyrjið á hina hliðina, ég nota smjörlíki á pönnuna þarna
Gott er að geyma það sem búið er að steikja í upphituðum ofni á smá hita á meðan allt er klárað.
Steikið síðan egg og kryddið þau með salt og pipar eða eftir ykkar smekk
Nú þar sem ég var nú bara ein í mat þetta kvöld, þá var bara eitt egg ;)
Og svo er alveg nauðsynlegt að hafa sinnepið við hendina til að bæta á ef maður vill.
Restina setti ég svo í poka, tvær og tvær saman, sem er akkúrat passlegt í máltíð fyrir mig.
Það er nauðsynlegt að setja í frystipoka, ekki venjulega plastpoka svo það frostþurrkni ekki.
Nammi namm...
Hérna hef ég svo tekið út tvær sneiðar, steikt egg og borið fram með fersku salati og tómatsósu, svona smá tvist á þetta.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Plokkfiskur gratineraður!
Bæði er hægt að útbúa plokkfisk úr afgangs fiski en svo er líka minnsta mál að gera hann frá grunni. Minnsta mál er líka að tvöfalda uppskriftina ef fleirri eru í mat.
Kálbögglar, gamaldags!
Hér á árum áður þá aldist ég upp við að fá kálböggla, ekki kjötfarsbollur og kál, heldur böggla. Svo týndist tíminn og allt í einu var ég farin að setja þetta skorið hvítkál og bollur saman í pott og sjóða. Það var því eitthvað við þetta sem rifjaði upp gamla tímann þegar ég pakkaði bollunum innan í hvítkálið og batt saman. Nostalgía!
Ítölsk Toro grýta!
Ég skellti í eina grýtu með hakki, pakka af Toro grýtu, gulrótum og kartöflumús, toppað með rifnum osti og sett inn í ofn. Einstaklega góður og heimilislegur matur sem toppaður er svo með heimagerðri rabarabarasultu.
