Nautagúllas Orientalsk
December 28, 2023
Nautagúllas OrientalskÉg elska að elda nautagúllas og ég elska líka að prufa eitthvað nýtt og nýjar sósur saman við. Hérna nota ég
pakka af Orientalsk Gryte frá Toro. Það getur líka verið gott að hafa með þessu papriku, brokkolí eða annað sem til er.
Takið gúllasið út 4-6 dögum áður en þið ætlið að nota það því þá verður það einstaklega meyrt og gott.
Skerið kjötið niður í smætti bita og steikið upp úr smjörlíki eða olíu eftir ykkar smekk.
Bætið saman við 1 rauðlauk niðurskornum og 2-3 gulrótum, sneiddar þversum
Látið kjötið og grænmetið malla við vægan hita í um 50-60 mínútur og bætið við vatni svo flæði yfir kjötið og bætið þá saman við eins og einum pakka af Orientalsk Gryte og hrærið þar til sósan hefur þykknað, bætið saman við vatni eða mjólk og smakkið til.
Á meðan kjötið er að malla, sjóðið þá kartöflur og útbúið ekta kartöflumús.
1/2 kíló af kartöflum, skrælið og sjóðið í um 18-20 mínútur eftir stærð
Þegar kartöflurnar eru tilbúnar, bætið þá saman við ca.35-50 gr af smjöri/smjörlíki og stappið saman við með kartöflustappara og þynnið svo með mjólk þar til músin er orðin eins og þið viljið hafa hana. Bætið þá 2-3 msk af sykri saman við og já smakkið aftur og bætið við sykri ef ykkur finnst vanta meira.
Berið svo fram með rifsberjasultu eða rabarbarasultu.
Nú ef svo skemmtilega vill til eins og gerist yfirleitt hjá mér að það sé afgangur þá er um að gera að vera frumlegur og prufa eitthvað nýtt eins og t.d. þetta.
Ristið brauð og setjið gúllas ofan á
Setjið kartöflumús ofan á gúllasið
Og rifinn ost þar ofan á og inn í ofn á 180°c þar til osturinn er bráðanður
Og berið fram með kartöflustráum og njótið
Uppskrift og myndir
Ingunn Mjöll
Deilið með gleði,,,,
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Athugasemdir verða samþykktar áður en þær birtast.
