Buff í raspi
Þennan rétt bjó ég til um daginn, elska að prufa mig áfram og eitthvað nýtt og þessi fær alveg fimm af fimm að mínu mati og já líka þeirra sem snæddu með mér svo þessi verður gerður fljótlega aftur.
500 gr nautahakk
Hveiti
1 egg
Season All krydd
Soya sósu
Relish súrar gúrkur blanda
Hrærið saman hakki, 1 eggi og kryddið eftir smekk og bætið saman við 2-3 msk af soya sósu, ég notaði Kikoman.
Bætið svo Relish líka saman við og hveiti í resina til að halda þessu saman, ég reyni að komast af með sem minnst af því en þetta er smekkatriði.
Útbúið svo jafnt í buff úr blöndunni og veltið hverri upp úr raspi og steikið á pönnu, ég notaði smjörlíki.
Best er að nota pönnu með loki og láta það yfir og láta malla í ca.30 mínútur þar til þær eru eldaðar í gegn.
Berið fram með brúnni sósu, kartöflum, sultu og salati.
Njótið & deilið að vild.
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Plokkfiskur gratineraður!
Bæði er hægt að útbúa plokkfisk úr afgangs fiski en svo er líka minnsta mál að gera hann frá grunni. Minnsta mál er líka að tvöfalda uppskriftina ef fleirri eru í mat.
Kálbögglar, gamaldags!
Hér á árum áður þá aldist ég upp við að fá kálböggla, ekki kjötfarsbollur og kál, heldur böggla. Svo týndist tíminn og allt í einu var ég farin að setja þetta skorið hvítkál og bollur saman í pott og sjóða. Það var því eitthvað við þetta sem rifjaði upp gamla tímann þegar ég pakkaði bollunum innan í hvítkálið og batt saman. Nostalgía!
Sælkerakjötfars á brauði!
Margir kannast við kjötfars á brauð og aðrir muna eftir nafninu yfir það sem Rónasteik, ekki veit ég hvaðan það nafn er komið en þær eru margar nafna útgáfurnar á honum þessum.
