Pizza Burrata!
Þessi ostur er bara eitthvað annað, segi það og skrifa! Var að smakka hann í mitt fyrsta sinn, já það er satt og ég get sagt ykkur að það er og verður ekki í það síðasta. Þvílíki sælkeraosturinn, toppaður með hunangi.
Hérna má sjá það innihald sem ég notaði í pizzuna
1 stór kúla af súrdeigspizzu (keypt tilbúin)
Semolina pizzahveiti (keypt í Krónunni)
Mutti Passata tómatsósa (keypt í Krónunni)
Burrata ostakúla
Kirsjuberjatómatar (eða aðrir að eigin vali)
Pepperoni lítil sterk fyrir þá sem það vilja eða annað
Ruccola
Hunang
Fletjið deigið út með höndunum með því að snúa kúlunni í jafna hringi á borðinu með hveitinu og berið sósunni ofan á
Raðið tómötunum og pepperoní yfir pizzuna og kryddið með oregano og pipar ef vill.
Hitið ofninn vel upp í 220 gr og setjið hana í hann vel heitan í um 10 mínútur ca, fylgist með. Nú þeir sem eiga pizzaofn skella í hann í um 1-2 mínútur.
Raðið svo rucolanum ofan á
Og að lokum Burrata ostinum með msk af hunangi og kryddað með oregano.
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Pizzur í pizzaofni!
Eftir að hafa farið á pizzanámskeið þá var ekki aftur snúið!
Aðalumræðan á námskeiðinu var hvernig ofna fólk ætti eða hvernig ofna þeir ætluðu að fá sér, það var allavega draumur alla á staðnum enda er þetta svo sannarlega komið á allt annað stig þegar maður setur pizzurnar...
Pizzasnúðar!
Hérna er ég með æðislega pizzasnúða með pepperoní en að sjálfsögðu er hægt að nota hvaða fyllingu sem ykkur langar í, skipta t.d. pepperoní út fyrir skinku eða kjúkling.
Pizza pepperoní og bananar!
Ég elska pizzur með banana ofan á og ég veit að margir tengja við það á meðan aðrir gera það ekki en ég skora samt á ykkur að prufa einn daginn, hvort heldur með pepp eða skinku.
