Gratineraður fiskur í karrísósu
Ég hef mjög gaman af því að setja saman allsskonar hráefni í matargerð og prufa mig áfram. Sumir réttanna koma hérna inn en bara ef þeir slá í gegn og eru góðir.
Þessi var virkilega góður og líka upphitaður í tvo daga á eftir.
Hráefni:
800 gr ýsa eða þorskur, ég nota sjálf orðið meira þorsk
Fisk krydd
1/2-1 papriku
Blaðlauk
Hrísgrón (sjóðið þau áður)
1 dós af aspas
2 pk af Karrísósu frá Toro
Mosarella ost
Eldamennskan í máli og myndum
Setjið fiskinn í eldfast form og kryddið með fisk kryddi eftir smekk
Skerið papriku og blaðlauk niður og setjið ofan á fiskinn
Gott er að vera búin að sjóða hrísgrjónin áður, eins og 1 poka og bæta þeim svo ofan á líka.
Því næst er aspasinum stráð yfir jafnt yfir
Ég bjó svo til Karrí sósu frá Toro eftir leiðbeiningum pakkans en oft þá baka ég upp sósurnar frá þeim, verða meira gourme en á þennan rétt þá var mjög gott að fara bara eftir þeim.
Hellið sósunni yfir réttinn....
Að lokum bætið þið Mosarella ostinum ofan á og setjið réttinn inn í ofn á 180°c í um 25-30 mínútur.
Tilbúinn
Dásamlega góður eins og allur fiskur borið fram með rúgbrauði og smjöri
Njótið & deilið með vinum..
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Plokkfiskur, þessi einfaldi!
Sá einfaldasti sem hægt er að útbúa og er góður á öllum dögum vikunnar. Gott rúgbrauð með og smjör, ekta heimilislegt.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
