Kókosbollu eftirréttur
Þessi eftirréttur var búinn til og borinn fram á nýjársdegi 2023 með rjóma og ís og var algjört salgæti. Ég reyndar bjó bara til úr helming uppskriftarinnar þar sem við vorum ekki svo mörg.
2 öskjur jarðaber
2 öskjur bláber
3 st bananar
100 gr bökunarsúkkulaði
6-8 kókosbollur
Þeyttur rjómi
Bláber, jarðaber og bananar sett í botn á eldföstu formi og dreift jafnt.
Ágætt að skera jarðaberin í 2-4 bita og bananana þarf sömuleiðis að skera í hæfilega bita.
Súkkulaði saxað niður og sett yfir ávextina og kókosbollurnar svo kramdar þar ofaná.
Sett í 150°c heitan ofn í 6-9 mínútur eða þangað til kókosbollurnar fara að dökkna.
Tekið út og látið kólna aðeins áður en rétturinn er borinn fram með þeyttum rjóma.
Uppskrift frá Sigrúnu Sæmundsdóttur
Ljósmyndir Ingunn Mjöll
Athugasemdir verða samþykktar áður en þær birtast.
Vegan ostakaka með súkkulaði!
Ég get með sanni sagt ykkur að það fann enginn mun á hvort ég var með alvöru smjörost eða alvöru rjóma því svo var ekki. Ég var með vegan Smurástinn frá Live Food og svo var ég með hafrarjóma. Suðusúkkulaði var svo brætt og blandað saman við sýrðan rjóma. En nokkrir sem fundu þó fyrir mun á líðan og höfðu orð á því, þeim leið mun betur í maganum.
Ís með karamellukurli!
Hefðbundin uppskrift af ís með Rjómasúkkulaði með Karamellukurli og íslensku sjávarsalti frá Síríus. Ég elska að brjóta upp þetta hefðbundna og prufa allsskonar súkkulaðifyllingar, hver það verður næst verður áhugavert að sjá.
Einfalda lífræna hindberjapæið (Lilju útgáfa)
Fékk þetta dásamlega góða pæ í boði og það heillaði mig svo að ég bað um uppskriftina sem var auðfengin með hennar tvisti.
Ég tók svo mitt eigið tvist á það og nýtti mitt hefðbundna hráefni en næst mun ég vera búin að verða mér út úm hrásykur, lífrænt haframjöl, spelt og vínsteins lyftiduft, já þessi tvist.
