Finnsk eplakaka!
May 20, 2024
Finnsk eplakaka!Afar einföld og góð, hvort heldur sem bætt er saman við hana eplum eða rabarabara, jafnvel bláberjum eða öðru gómsætu. Ég setti í hana gómsæt epli og tvöfaldaði uppskriftina að þessu sinni.
Þeytið þar til létt og ljóst2 egg
100 gr sykur
50 gr smjör, brætt og kælt lítilega
1 tsk vanilludropar
150 gr hveiti
1 dl rjómi
1-2 epli eða 200 gr rabarabari, skorin í litla bita (notaði 3 lítil epli í tvöfalda)
3-4 msk hrásykur, ég notaði bara eins og ég þurfti af hrásykrinum
Setjið blönduna í eldfast mót
Skerið eplin í litla bita og stingið þeim jafnt og þétt ofan í blönduna þegar búið er að velta þeim upp úr hrásykrinum. Stráið svo hrásykri yfir.Þeytið saman egg og sykur þar til létt og ljóst. Blandið saman smjöri og vanilludropum saman við. Bætið svo hveitinu saman við og hrærið og bætið síðan rjómanum saman við. Hellið blöndunni í kringlótt eldfast mót eða annað sem þið eigið til. Veltið eplabitunum upp úr hrásykrinum og dreifið þeim jafnt í degið og stráið restinni af sykrinum ofan á kökuna og bakið í 25-30 mínútur á 180°c fyrir miðjum ofni.
Berið fram með ís eða rjóma og njótið vel.
Deilið með gleði...
Þið finnið okkur líka á Instagram
Vertu velkomin að koma og vera með í Köku & baksturs hópnum á facebook
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Athugasemdir verða samþykktar áður en þær birtast.
