Créme brulée
Fyrir 6
Einn af mínum uppáhalds eftirréttum og hentar á veisluborðið allt árið þótt margir tengi hann við jólin. Ég fékk svona um daginn og þá hafði verið settur smá lakkrís í botninn sem var bráðinn og gerði þetta svona pínu öðruvísi en vanalega, alltaf svo gaman að nýjungum.
Hráefni:
4 eggjarauður
100 gr sykur
250 ml mjólk
250 rjómi
1 skafin vanillustöng eða 2 msk af vanilludropum
Hrásykur
Eggjarauður og sykur þeytt vel saman með 1 msk af vanilludropum.
Mjólkin og rjómi hitað að suðu og restin af vanilludropunum eða stönginni er svo sett út í.
Rjómablandan sett mjög varlega útí eggjablönduna og hrært varlega saman.
Sett í souffléskálar (eða önnur eldföst mót). Formin sett í vatnsbað og bakað við 110°c í 45 mínútur og svo kælt í eina klukkustund.
Hrásykri stráð yfir hverja skál og sett undir grill eða sykurinn brenndur með gasbrennara.
Vatnsbað þýðir: ofnskúffa með vatni í.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Vegan ostakaka með súkkulaði!
Ég get með sanni sagt ykkur að það fann enginn mun á hvort ég var með alvöru smjörost eða alvöru rjóma því svo var ekki. Ég var með vegan Smurástinn frá Live Food og svo var ég með hafrarjóma. Suðusúkkulaði var svo brætt og blandað saman við sýrðan rjóma. En nokkrir sem fundu þó fyrir mun á líðan og höfðu orð á því, þeim leið mun betur í maganum.
Ís með karamellukurli!
Hefðbundin uppskrift af ís með Rjómasúkkulaði með Karamellukurli og íslensku sjávarsalti frá Síríus. Ég elska að brjóta upp þetta hefðbundna og prufa allsskonar súkkulaðifyllingar, hver það verður næst verður áhugavert að sjá.
Einfalda lífræna hindberjapæið (Lilju útgáfa)
Fékk þetta dásamlega góða pæ í boði og það heillaði mig svo að ég bað um uppskriftina sem var auðfengin með hennar tvisti.
Ég tók svo mitt eigið tvist á það og nýtti mitt hefðbundna hráefni en næst mun ég vera búin að verða mér út úm hrásykur, lífrænt haframjöl, spelt og vínsteins lyftiduft, já þessi tvist.
